買現成西裝就係因為佢方便。除左方便，現成西裝仲有咩好處?同訂造西裝又有咩分別?邊樣好?
1.) 布料選擇
現成西裝基本上無得揀布料，就算有，都係店內某幾款布料裡面俾你揀，有啲鋪頭會用同一種料，你揀唔同顏色，有啲就只有幾款布料俾你揀 ; 而訂造西裝一本布版都有幾十種顏色，另一本布版又係另一種料，一間訂造西裝店可以提供嘅布料選擇閒閒地都有一千幾百種。
2.) 西裝款式，結構
現成西裝好多時只有一種西裝結構 —— 黏樸，最便宜嘅一種西裝結構。而訂造西裝就可以要師傅造手樸/黏樸。不過，呢個就會影響價錢了。
3.) 西裝合身度
現成西裝當然只可以選擇尺碼，而你只係fit緊件西裝，而唔係件西裝fit你 ; 訂造西裝師傅就係睇住你嘅身材去剪裁出最岩你嘅尺寸同埋比例。以圖中嘅先生為例，佢嘅身材就好難有現成西裝適合佢。而一個好嘅師傅就可以幫佢避開背部隆起嘅問題，一件西裝就幫客人解決背部觀感。當然，師傅功夫非常重要! 造呢件西裝嘅Jacky Tam就話佢非常重視一件西裝如何幫客人揚長避短，而佢亦都係行內出名嘅西裝易容大師，過往亦都多次示範以一件西裝解決客人身形問題，Jacky Tam話，只要有一塊布料，佢就有方法為客人造出最好嘅西裝! 何謂最好? 就係最岩客人身形，又可以遮掩客人身形不足嘅西裝!
