一間洋服店同你講佢地係做Bespoke,唔係做Made to Measure,所以價錢貴啲。另一個網上「專家」又喺網上評論話香港嗰啲訂製西裝既舖頭都唔係Bespoke,係呃人!大家作為消費者聽到一頭霧水,信邊個好呢?

Bespoke同Made to Measure有分別?

有無發現好多西裝洋服店都叫自己做Bespoke Tailors?  Bespoke呢個字喺英文入面又唔係好常用 (通常都係西裝界先會用到,但近年好多其他度身訂造服務都開始用呢個字)。 咁究竟係咩意思?   

造訪過好多唔同既裁縫同西裝達人後既結論其實係暫時無一個絕對既行業標準,只係有一啲基本既元素係大家都會認同既。

由邊度開始, 就由邊度講起

Bespoke既定義 – 其中一個無爭議性既基本元素,就係套衫喺幫你度咗身後,從一塊布開始按著你既身型而裁出嚟。

Made to Measure既度身訂製西裝定義就無咁清晰喇。總之公認既就係比bespoke次一級既度身訂造西裝,主要可以概括為係喺手工同製作上簡化咗人力時間製作出來既工序。

以下係坊間既各種說法:

  1. 即使係從塊布裁起,只要唔係從頭開始造一個新既紙樣去裁布,而係由自家本身既舊紙樣中改造出嚟,就唔可以叫Bespoke,而係Made to Measure
  2. 只要唔係全手工製,用咗衣車都唔係Bespoke, 而係Made to Measure
  3. 試身少於2次都唔係Bespoke, 而係Made to Measure
  4. 指Standard Size, Ready to Wear既現成衫幫你改長改短就係Made to Measure

Bespoke定Made-to-Measure?

邊個啱, 邊個錯?   

如果Fashion可以話係藝術品,咁就當然無對錯之分。講到尾,最緊要比錢嗰個開心同滿意。就算你真係全世界最靚既Bespoke,話要我試3-4次身,但其實我作為客人分分鐘幾百萬上落,你浪費我時間就係死罪。

造衫同大家做任何嘢都一樣,各師各法,百樣貨養百樣客,無話得一個方法做先啱。最緊要係令我作為客人滿意。

香港既係Bespoke定Made to Measure?

各師各法既原則下,其實就無可能一竹篙打死一船人。每人既做法都可能有啲唔同。我就去咗銅鑼灣既852 Tailor House度同老闆了解佢地既製作過程,比大家參考,由大家自行判斷喇:

852 Tailor House老闆Tony就話佢地有駐場裁剪師父喺店內 (同改衫師父係唔同架,唔好搞亂),為佢地既度身訂造客人去親自裁剪。

之後就會將裁出來的布簡單縫製出半製成品比客人著上身做第一次試身。呢個時候就係比師父可以睇吓度身同裁出嚟既效果喺現實中會唔會有啲咩既出入,了解吓你鍾意著得窄啲,定再鬆啲,再作修改。因為每個人既喜好都唔同,呢啲嘢係度身度唔到出嚟既。

再下一次就係跟住呢啲需要改動既地方,將套衫造出嚟。客人如果滿意,就可以攞衫走,如果有唔滿意既地方,就幫手再作改動。

如果對佢地想了解更多,可以喺呢度了解更多資訊

 

852 Tailor House店內的裁剪師

半製成品試身