BNO passport

拎住本 BNO 去到英國就有工等住你? 80後居英港人 : 執好個 look 先!  

英國就香港國安法立法對香港 300萬 BNO Holder 放寬移民限制 , 不單止可以 stay 五年, 仲可以打工添 ! 一眾希望移民/居英嘅西裝友有機會拎住本 BNO , 一程單程飛機從此成為大不列顛公民 , 一去無回頭。之但係 FF 還 FF , 落到地都係果句 — Money is the King! 大家又有無諗過去到彼邦 , 係咪拎住一本 BNO 人地就俾你打份好工呢?  Tailor-M 特地同旅英多年, 於當地 Bishopsgate 從事金融工作嘅80後移民梁生做左篇專訪 , 歸納少少英國上班族裝扮建議 , 等各位西裝友去到果邊未入籍 , 先入流!

西服通道 : 響英國打工嘅白領 , 穿搭上同香港有無咩唔同?

梁生: 響英國打工, 或者見人, 一身行頭非常緊要, 既不可太隨便 , 亦不可太誇張。同香港唔同嘅地方, 係我地可以穿簡單短恤西褲上班, 響呢度(特別係倫敦)就有少少太過 causal 啦! 

佢地只要係返工嘅日子, 都基本會穿整齊西裝 , 連件褸都會著埋 , 而英國人亦特別鐘意穿著條子西裝 , 即使在 causal day , 長袖恤, 西褲和皮鞋都被視為必備衣物, 這與香港的便服日有很大差異。

條子是英國大熱的西裝pattern(product of A timeless)

三件頭 , 乾濕褸大行其道

西服通道 : 有咩衫/裝扮係我地平日唔會響公司著 , 但係英國白領就好興呢?

梁生:響香港職場 , 穿三件頭或大褸有時被視為略帶浮誇 , 但由於英國四季比較溫和, 全年氣候大概維持在攝氏2-20度之間 , 故三件頭比香港大行其道, 而大褸和乾濕褸亦是英國當地白領的日常衣著 , 喜歡這類英式穿搭的男士該會十分欣喜。    

(product of L&K)

大褸與三件頭在英國職場大行其道(product of Brummell Tailor)

上班忌穿意式Loafer鞋

皮鞋方面, 英國上班族以穿著傳統 Oxford 或 Derby 為主, 即使穿無綁帶的皮鞋 , 亦以 Monk 為主, 一般英國打工仔切忌穿上意式的 Loafer 。

(product of Art Star)

英國現成西裝尺碼大 訂造西裝價格高昂

西服通道 : 持BNO港人響英國又點買西裝呢?

梁生: 響英國買西裝普遍比較大件 , 原因係佢地無需要考慮亞洲人身型 ,所以響果邊嘅華人比較傾向訂造西裝 , 呢度有條專門造西裝嘅大道叫 Savile Row , 倫敦有些西裝客都會係嚟呢度造衫 , 好處係呢度百家爭鳴 , 而且全部都肯定用番好似Holland & Sherry 或者 Scabal呢啲傳統英國頂級料 , 亦都做到好傳統英式手手工同埋風格 , 但係相比香港 , 造價就顯得非常昂貴 , 一套響香港造嘅 Scabal 或者 Holland &Sherry 嘅西裝可能只係港紙 10000 內 , Saville Row 隨便一家都要 4000 鎊以上 , 所以建議大家如果揸著 BNO 打算去英國長期居留, 最好響香港物色洋服師傅造幾套帶埋過去 , 或者 keep 定可以海外訂造嘅師傅電話 , 因為講緊個差額(Savile Row與香港訂造價錢) 可以差4-5倍! 靠BNO落地嘅香港人初到貴境嘜都係錢 , 亦唔會得到政府任何福利 , 所以真係要應省則省!

同一塊布料, Savile Row Scabal專門店比香港的Bespoke貴上5倍

Savile Row 大街

後記 : 唔同梁生傾過都唔知 , 原來 BNO 居英除左要準備好開支, 申請事宜之外 , 上班穿搭同樣重要! 各位如果真係想借英國放寬港人 BNO 居英權改變人生 , 但又需要在彼邦繼續工作 , 不妨留意一下自己嘅打扮啦!