裇衫 @ Tailor-M

你買 裇衫 嘅時候,點樣決定一件 裇衫 係好定係壞?

有人靠估,有人靠售貨員講,有人諗住扣到鈕就得。其實睇一件 裇衫 係啱唔啱身,唔洗金睛火眼,唔洗一一眼關七。

只要你遞起手郁下身,留意下件裇衫,3秒就搞掂啦。

長度

當你著起一件啱身嘅 裇衫 ,無論你舉起手,點樣郁身郁勢,件 裇衫 都唔會拋出嚟或者鬆開。特別係當你撓埋對手放喺頭後面,諗住嘆世界嘅時候,件 裇衫 都應該攝得好好哋。

如果唔係,就代表你件 裇衫 可能太短喇,又或者係夾位開得太低!

膊位

裇衫 嘅膊位,應該啱啱好係你嘅膊頭位置,唔應該太入膊又或者太跌膊。
呢個位置仲係距離你胸骨最遠嘅位置嚟㗎!

裇衫 @ Tailor-M

圖片來源:RMRS

衫袖

裇衫 嘅衫袖應該鬆緊得宜。唔需要太緊,將你嘅肌肉線條顯露無遺。(除非你想Show肌肉啦!)
但亦唔好太鬆啊,鬆到好似充咗氣咁。講到咁玄,咁究竟點先啱?

裇衫 @ Tailor-M

圖片來源:RMRS

只要你彎埋隻手,袖口位縮起少少係正常嘅,但千祈唔好距離你手腕多過一吋啊!
垂低手嘅時候,袖口應該啱啱好喺你手掌開始嘅地方,即係手腕骨再落2cm嘅地方。

裇衫 @ Tailor-M

袖口

至於袖口鬆緊方面,要啱啱好貼住你嘅手腕,同時留有少少空間,唔會太緊促。無論你著上件 裇衫 定除低嘅時候,你都唔使解開袖口鈕,咁就即係有足夠嘅空間喇!

如果你經常戴錶嘅話,咁袖口就可能要鬆少少,配合返你隻錶喇。

裇衫 @ Tailor-M

圖片來源:RMRS

如果想搵到最啱你身形嘅 裇衫,最好就係度身訂造喇!可以喺Tailor-M與你嘅心水裁縫立即預約,唔好再著唔啱身嘅裇衫喇!

相關文章:

【德國技術】以後都唔洗嘥時間燙裇衫?

【 恤衫變黃 點算好? 】 美白 恤衫4步曲