男孩子返工表面著住件西裝,其實個個都童心未泯! 所以小編好鍾意放左工一個人行玩具店,貪佢俾到我放工後一刻寧靜,更加係一個俾大家追逐小時候可能因為家境唔好而未完嘅玩具夢!

6000呎工廈拉打主題玩具巨鋪 葵青區最大

如果各位西裝友響荃灣或者葵青區返工,或者住附近又鍾意玩具就有福啦! 事關呢度有間佔地6,000呎嘅拉打主題玩具店Hobby Field! 響新都會廣場行葵喜街天橋就到,位置就腳。與其話呢度係玩具店,不如直接話呢度係拉打玩具博物館! 唔信? 即管試下是但搵隻拉打上嚟問問老闆Andrew或者Ken,睇下佢地有無貨! 除左拉打,佢地亦都有好多高達,聖鬥士星矢,合金等男孩恩物! 一個唔覺意隨時睇到打烊都唔知! 

逢周五晚上「販売Live」 Metal Build玩命式零蚊起Bid 隔住個mon一樣買到筍價玩具

老闆Andrew及Ken逢同五晚都會開「販売Live」,二人開Live抵死攪笑見稱,直播期間更不時「玩命」拎貴價玩具如Metal Build,CSM等神物出嚟零蚊起Bid,只要你捕住佢地嘅live就不時低市價執到心頭好! 

自設模型工作室 放假落手自創「魔改」高達

Hobby Field設有模型工作室,俾大家收工放假上嚟坐定定砌模型,噴油,為隻高達「魔改」一番,絕對係打工仔清假好地方! 最抵死嘅係佢地更加設有「防海關儲物櫃」,買左咩大件,貴價玩具驚過唔到「海關」? 即管放響Hobby Field嘅「防海關儲物櫃」,逐啲分批「拆櫃入境」,屋企就無咁易響alarm 啦!

Hobby Field
地址: 九龍葵涌葵樂街2-28號裕林工業中心B座3樓B2室
電話: +852-63771214