(source: 明報)  

政府又有最新抗疫昏招應市, 當然唔會係封關啦, 無錯, 就係所有食肆一律禁止堂食,公眾地方強制帶口罩, 同埋頒布【二人の限聚令】, 一眾高官果然認為肺炎病毒在特定地點(食肆), 同埋食飯時間最活躍, 所以要作出如此源頭針對性部署迎戰, 不過睇嚟狠招一出, 病毒未死, 食肆應該先行一步。

不過大家最關心一定係星期三起自己餐lunch點先可以大塊朵兒無後顧之憂? Tailor-M同一眾打工仔一齊研究一下!

1.) 自己個位

自己個位永無犯法之嫌

一個完美解決問題方法, 只係大家需要響lunch前做好個心理準備, 你今日嘅所有時間都係響你個位度過就可以了, 所以做人做事幾時都係講心態, 心態夠強, 坐足7日都可以無動於衷。

好處 : 完美避開所有法律責任 

壞處 : 採納此方法者需要對公司/自己崗位有絕對的愛

2.)郊野公園

 

奉政務司長張建宗所講 , 郊野公園都係lunch熱點 , 只係離大家遠少少姐 , 仲有可能會有馬騮同你搶食

好處 : 遠離繁囂 , 高官加持

壞處 : 遠 , 有野生動物爭食

3.) 食流質食物

宇航員的食物

呢個方法完美解決左出街見客, 或者在戶外工作嘅人嘅問題 , 只要佢地有一個密實袋, 一支飲管, 叫食肆幫你成個焗豬扒飯擺入攪拌器徹布底攪碎再裝番落個袋度 , 安插飲管封好封口 , 咁樣就可以唔除口罩之下享用大家嘅移動午餐啦! 呢個方式唔單止令一眾戶外工作者可以合法食晏, 不受地域界限 , 唔洗除低口罩, 仲可以節省消化過程 , 而且邊行邊食邊消化 , 增加腸道蠕動 , 有助消化 , 行到邊食到邊, 想望下摩天輪又得 , 想好似立法前食宛完個lunch響 IFC 行下街買下野 , 咪話唔過癮 !

好處 : 百利而無一害!

後記 : 如無意外 , 今日嘅lunch 將會係法例生效前最後一次同各位好同事四目交投 , 響應該食野嘅地方安心用膳啦 ! 認住一眾好同事/家人/朋友嘅食相, 同埋你食緊嘅果間店 , 限聚令過左再見啦!