(source : unplash)

港男愛健身 , 香港健身文化日趨盛行 , 大家都對健身文化趨之若鶩 , 希望練出一身 oppa 肌, 同埋人魚線。健身好多人都識 , 但係點樣造一件衫去就番因為健身而令身材比例有所改變嘅朋友 , 就唔係個個師傅都識啦 !

裁藝軒 裁縫及量身顧問 干師傅今次會繼續同我地探討一下胸部剪裁係點樣幫健身人士造出完美西裝線條。

操到個胸大左 , 加大個上圍就攪店? 

干師傅 : 梗係唔得啦 ! 首先要知道健身人士同埋有跑步習慣嘅人士 , 胸肌都會比較大 , 但係其他部位例如肩膀 , 袖籠等就唔會太大。如果只係加大上圍 , 第一 , 膊位 , 袖籠同個胸嘅比例就會錯晒 , 最低限度成件衫著出嚟就會好怪 , 客人亦唔會著得舒服。

加大上圍 ≠ 加大胸部剪裁

如果個客只係胸部健碩 , 而裁縫只係一味加個上圍 , 咁樣只會令件衫無晒個型 , 後幅會太累贅 , 而且條腰都會唔見左。正確造法係用傳統上海嘅推門技術 , 裁布時用熨斗配合推門手法 , 令布料可以有弧度, 將胸位放大。除此之外 , 更可將件衫前胸位置的揸位打大同打深, 等胸部有少少空間, 就算胸部健碩都唔怕著爆件衫。

 

造岩個胸 , 唔單止穿起西裝讓你昂首闊步 , 成件衫就挺身得嚟又唔會浪費左你苦練出嚟嘅一身 Oppa 肌啦! 

相關文章

【回饋客人】— 指定品牌7折