馬甲 — 難以駕馭?

馬甲 — 作為男士西裝裡面最貼身嘅服飾, 的確考起好多西裝愛好者, 所以好多人明明見到人地著得好靚都卻步, 唔敢買, 因為怕 “出事”, 著左出街猶如 “走在街上的Waiter” 唔單止著唔出馬甲應有嘅紳士風同埋儒雅感, 反而多左一浸 “俗” 味。

下面係筆者網上搵到嘅標準馬甲示意圖,  於是立即傅送給英倫洋服Jacky Tam, 期望解個迷津。

internet photo

專業剖釋馬甲造法

Jacky : 其實幅圖並沒有問題, 這是最normal嘅身形設定下的正確馬甲示意圖, 但我地嘅身形並唔係個個都係一樣, 比例平均, 高矮肥瘦各有不同, 所以絕不可能一本通書睇到老, 總之, 我期望顧客找我嘅時候, 既俾到我嘅意見, 同時亦都兼顧到顧客嘅期望。

如果你係一個身高體形比較適中嘅人, 做法就比較簡單, 照住左圖咁去剪裁即可, 但你如果你比較肥胖, 因為要預留更多布料遮閉肚腩, 所以成個前幅就要造得長啲, 否則一穿上身, 件馬甲就會將褲頭露晒出來, 顯得略短。

 

而身長比較高嘅人, 傾向造比較高腰嘅褲, 令腳部顯得修長, 亦可隱藏過長嘅腰部。由於西褲嘅褲頭高左, 所以如果造馬甲, 就反而可以造短少少, 令成個人比例更加完美, 而唔會顯得腰部太長。

 

有更多其他身型人士例如有啤酒肚, 身形矮少, 腰部較長等等嘅人, 佢地對馬甲剪裁嘅要求都好唔同, 所以如果真係想著馬甲而著得有品味, 訂造真係比較適合。

正正由於馬甲係咁追求人衫合一嘅衣服, 所以如果你唔太理解自己嘅身型, 又遇上太一本通書睇到老嘅師傅, 造出來件衫就好易有衣不稱身嘅感覺, 自然就好似侍應咁啦!

 

Tailor-M獨家優惠:  買西裝送價值HK$1,000馬甲 

天氣開始轉涼, 英倫洋服趁住呢個moment推出左三件頭優惠, 西裝 + 馬甲(原價約$5,000), 即日起嚟英倫洋服 x Tailor-M平台預約即減$1,000, 四千餘就造到一套老字號出品嘅三件頭, 確實係物超所值!

英倫洋服嘅三件頭確實好受用家追捧(英倫洋服提供)