你買裇衫嘅時候，點樣決定一件 裇衫 係好定係壞？
有人靠估，有人靠售貨員講，有人諗住扣到鈕就得。其實睇一件 裇衫 係啱唔啱身，唔洗金睛火眼，唔洗一一眼關七。
只要你遞起手郁下身，留意下件裇衫，3秒就搞掂啦。
長度
當你著起一件啱身嘅 裇衫 ，無論你舉起手，點樣郁身郁勢，件 裇衫 都唔會拋出嚟或者鬆開。特別係當你撓埋對手放喺頭後面，諗住嘆世界嘅時候，件 裇衫 都應該攝得好好哋。
如果唔係，就代表你件 裇衫 可能太短喇，又或者係夾位開得太低！
膊位
裇衫 嘅膊位，應該啱啱好係你嘅膊頭位置，唔應該太入膊又或者太跌膊。
呢個位置仲係距離你胸骨最遠嘅位置嚟㗎！
圖片來源：RMRS
衫袖
裇衫 嘅衫袖應該鬆緊得宜。唔需要太緊，將你嘅肌肉線條顯露無遺。（除非你想Show肌肉啦！）
但亦唔好太鬆啊，鬆到好似充咗氣咁。講到咁玄，咁究竟點先啱？
圖片來源：RMRS
只要你彎埋隻手，袖口位縮起少少係正常嘅，但千祈唔好距離你手腕多過一吋啊！
垂低手嘅時候，袖口應該啱啱好喺你手掌開始嘅地方，即係手腕骨再落2cm嘅地方。
袖口
至於袖口鬆緊方面，要啱啱好貼住你嘅手腕，同時留有少少空間，唔會太緊促。無論你著上件 裇衫 定除低嘅時候，你都唔使解開袖口鈕，咁就即係有足夠嘅空間喇！
如果你經常戴錶嘅話，咁袖口就可能要鬆少少，配合返你隻錶喇。
圖片來源：RMRS
提提你, 而家英倫洋服做緊恤衫買3送1, 要換季做衫? 你識揀啦!
「英倫洋服公司」是香港一家經驗豐富訂做西裝的裁縫店。一切都按照您個人的身材量度來訂製。我們跟世界各地的布料供應商合作，搜羅最適合您布料。
預約英倫洋服造衫
