圖片來源:Me My Suit and Tie

發現自己身上套西裝開始唔啱著,除咗買過套西裝,仲有無其他方法?
其實你可以試下拎去畀裁縫改!就算唔啱著,都唔一定要即刻打入冷宮嘅,或者裁縫可以幫你救返套西裝!


飲宴見客、朋友聚會、生日放題、或出國遊埠,有時食多咗嘢都無可避免。

食多咗,身型亦大咗半個碼,咁衣櫃裡嘅衣物 (特別係度身訂做的衣服),唔通全部都要再買過?

不,你只需要的是一件「伸縮 神衣」就可以啦!

訂造西裝 是伸縮

訂造西裝嘅時候,裁縫師傅有陣會喺西裝嘅外套、西褲位置預留面料,應對客人未來體形的變化。
咁就算你肥咗瘦咗,師傅都可以盡量幫你改。

點先知自己著緊嘅西裝有無額外嘅紙口位?你可以翻開西褲嘅內側,睇下腳踝下擺附近有無捲上嚟嘅額外布料 (通常約兩吋左右),又或者摸下西裝外套內側近袖口嘅位置,感受一下中間無多一層額外布料。

覺得好難明?咁又唔緊要,最穩陣就係拎套西裝去畀師傅望下,由佢專業嘅眼光話你知有無得改,可以點改!

裁縫店的售後服務

不論是過了兩年三年、定係八年十年,客人只需要帶同喺該裁縫店訂造嘅西裝到店內,裁縫店大多會提供修改服務,有些如英倫洋服L&K Bespoke Tailor 等。

當然,假如係肥咗好多,超過三、四個碼嘅,達聞都係建議重新訂造過一套新西裝,咁西裝先會更貼服身型。

圖片來源:CNN/Getty Images