作為男士專欄小編，當然要幫大家介紹最多，最潮，最update嘅男人野啦!最近小編就發現左一個非常值得推介嘅網站 — Men Logic!
由飲食到衣著 由打機到飲酒 大細路大愛網站
如果你都係男士生活品味愛好者，一定都會好鐘意睇Men Logic呢個網站! 小編上個星期上網無意中發現Men Logic，一個唔覺意就俾佢地吸著左半個鐘! 全因一篇Game評而起! 小編話晒都係一個大細路，打機當然岩我河車啦! 睇完佢地圖文並茂嘅game評小編都癮唔住立即行左信和一轉整返隻《戰國無雙5》玩下先!
本地酒品品牌介紹 想靜靜地品酒? 其實唔一定要落Bar!
好酒之人去外國參觀蒸留所幾乎已經係指定動作。之不過，「出埠」旅遊之時遙遙無期，呢鋪酒癮真係唔知點解決! Men Logic 介紹嘅「丹丘蒸留所」，就非常有外國蒸留所嘅味道。約返兩三個酒友，今次唔去酒吧，真真正正一嚐「酒道」，細味一下丹丘蒸留所嘅蒸留所情懷。香港，一樣有出色嘅蒸留所。
男士必然配置 一件西裝衣袖只能遮住一半的玩物
成日話西裝衣袖不宜過長，為的就是你隻錶! 貴貴買隻錶返嚟，一件衫蓋住晒邊個睇到? Men Logic介紹嘅英國奢華鐘錶品牌Bremont，就值得大家預留兩吋西裝衣袖，漫不經心將佢展露人前啦! Bremont係英國皇家軍方御准的指定腕錶生產商兼官方合作夥伴，著西裝嘅你都有英國情懷?呢隻錶絕對值得入手。
Men Logic仲介紹過好多男人野，大家睇嚟又多一個玩物喪志坑啦!
