專業裁縫話你知,Model著嘅衫唔一定好睇!個個都可以著得好睇過Model!

Jacky @ 英倫洋服

如果大家有去過造西裝,都一定會見過料版,仲有就係每間大牌子每季都會出書仔,有晒Model著起唔同款嘅西裝,俾大家參考款式、Cutting、Pattern。望落去好有型,Model有型,套西裝都好有型。

英倫洋服嘅Jacky經驗豐富,最叻為客人度身訂造西裝,係一套可以修飾身形缺點嘅西裝。
佢話一套西裝啱尺寸係唔夠嘅,最緊要係可以配合到客人嘅習慣,為客人隱藏身形上唔理想嘅地方。

Jacky 今次唔變魔術,反而教精大家,Model身上嘅西裝出咗啲咩事!


點解會腰位斷晒?

Jacky :「呢個就係腰位斷晒,但明明件外套有大。咁點解會咁呢?就係因為前幅造得太長。」

Jacky @ 英倫洋服

他指住圖片,向大家解釋,「如果喺呢個位抽走少少,前幅短返啲,自然就唔會有斷腰呢個問題。」

Jacky @ 英倫洋服


「八字形西裝」?!

Jacky :「呢個最大嘅問題就係成套西裝向外走,望上去唔好睇。」

Jacky @ 英倫洋服

「西裝一定要貼服,有線條得嚟又唔可以令西裝向兩邊散開。」Jacky @ 英倫洋服

 


著到好似凹咗入去咁?

Jacky :「呢套西裝會顯得客人大凹胸,或者好似寒背咁。前面好似凹咗落去咁!」

Jacky @ 英倫洋服

 


咁點先為之造得好?

Jacky :「呢套就造得幾好喇,完全貼服,又會見到客人嘅線條,好啱身!」

Jacky @ 英倫洋服


Jacky 話你知!

其實一套西裝著得好唔好睇,除咗尺寸,仲有好多嘢要留意㗎!Model啲書仔只能夠參考,最重要都係裁縫嘅手勢。

Jacky 同我哋分享,「度完身之後,最重要就係裁縫一定要留意到你嘅站姿係點。就算度啱身,但係你平時係寒背嘅,套西裝都會走位。一個稱職嘅裁縫一定要識得喺尺寸同剪裁上幫你做手腳,令你著上去嘅時候,依然會好挺直!」

呢啲小細節真係好考師傅嘅經驗,「有陣望落去件衫好似太大,你一味幫佢收細腰位無用㗎,因為有機會係肩位造得唔啱。」

佢自己就最著重同客人溝通,「一定要了解客人要求嘅原因,然後為佢哋提供最合適嘅建議,咁先可以令客人著上身舒服,望落去又好睇!」