聽講香港嘅「濕凍」係世界第一,愛靚唔愛命嘅唔止女士,其實紳士都怕凍。
冬天著西裝點樣先可以優雅得嚟又保暖呢?

夏天又嫌熱,冬天又嫌凍,著西裝真係好麻煩。不過你無得揀,你一定要著西裝返工。
唔想著到成隻糭咁,就唯有學返幾招配襯技巧,包你今個冬天可以做個優雅紳士,同時又暖笠笠!

冷衫夾層

為咗令身體可以保暖,你可以選擇喺裇衫同外套中間著多一件冷衫(長袖或背心皆可)。如果你好怕凍嘅,就可以選擇羊毛或者茄士咩呢啲輕身又保暖嘅質地,咁就可以避免成個造型都好似好笨重咁。

如果你返工唔一定要著裇衫嘅,或者你今日嘅造型想傾向Smart Casual,你可以選擇著一件樽領冷衫,外面再著上西裝外套或者大褸。呢種穿搭方式喺今季非常流行,配合埋今年大熱嘅大地色系,例如駝色、卡其色等,成個造型望上去都好和諧,好賞心悅目。

配襯羊毛絨大褸/擋風外套

當天氣再凍啲,著多件冷衫都未必足夠。咁你就可以喺西裝嘅外面,襯多一件羊毛絨嘅長身大褸。咁樣嘅配襯方式,除咗可以保暖之外,仲可以豐富整個造型嘅層次。

本身西裝外套嘅保暖作用不大,所以如果冬天想暖啲,最好都係著多件專門保暖嘅大褸。咁大褸嘅質地同尺寸就好重要喇。

點解冬天著衫好容易就好似好笨重咁?就係因為有陣尺寸太大太長,好似小朋友著大人衫咁。有陣就係件外套太細,而入面又著得太多衫,會顯得你個人好脹,件衫好似太細咁。

大褸好蝦人著?關鍵係合適嘅尺寸同剪裁!

好多人都好怕著大褸。一嚟驚著到好笨重,二嚟又驚自己身形唔夠高大、標準,驚顯得腳短。其實尺寸同剪裁合適,所有問題都迎刃而解!

最好方法就係度身訂造。雖然市面上都有好多現成嘅大褸,不過未必有適合嘅尺寸。就算啱你size,個cutting又唔一定啱你,又未必係你喜歡嘅質地。

雖然度身訂造嘅大褸會比現成嘅貴,但係專業嘅裁縫會根據你平時嘅穿著習慣,介紹你用適當嘅布料、剪裁。如果你有心水嘅款式,亦可以同裁縫講,由佢去建議所有細節點樣配搭,點樣滿足到你嘅要求。

呢方面,L&K Bespoke就幫到你喇!Michael同佢嘅西裝顧問團隊,專門喺店面為大家提供專業意見。佢哋會根據每位客人嘅身形,由選擇布料、剪裁,以至每項細節的顏色配搭,他們都有獨到嘅心得。

有顧問為你提供專業意見,加上背後嘅專業裁剪師Lewis,你嘅大褸都好難出事。Lewis自17歲入行,是一名有30幾年經驗嘅裁縫,手工非常精細。

事不宜遲,想造一套靚嘅大褸,或者有任何疑問,就喺度聯絡L&K Bespoke啦,佢哋會解答你任何問題!