在追求極致的人看來，不經意展現出來的精緻細節，才能體現品味和工藝。而西裝衣襟上的米蘭眼，正正是其中一項低調又顯西裝級數的細節。米蘭眼源起於意大利，但真正使其發揚光大的，卻是法國的裁縫。 米蘭眼之所以矜貴，在於其立體又生動的構造。一般現成西裝的襟鈕門都是先由機器縫製成型再剪開，而米蘭眼則是由裁縫先剪開布料再進行人手縫製。造型良好的米蘭眼針步均勻有序，配上粗芯線後整體會變得圓潤又立體。這個小細節相當考功夫，一般需數小時左右才能完成。因此，擁有米蘭眼的西裝絕對稱得上是心機之作，令西裝的級數瞬間提升。...

聽講香港嘅「濕凍」係世界第一，愛靚唔愛命嘅唔止女士，其實紳士都怕凍。 冬天著西裝點樣先可以優雅得嚟又保暖呢？ 夏天又嫌熱，冬天又嫌凍，著西裝真係好麻煩。不過你無得揀，你一定要著西裝返工。 唔想著到成隻糭咁，就唯有學返幾招配襯技巧，包你今個冬天可以做個優雅紳士，同時又暖笠笠！ 冷衫夾層 為咗令身體可以保暖，你可以選擇喺裇衫同外套中間著多一件冷衫（長袖或背心皆可）。如果你好怕凍嘅，就可以選擇羊毛或者茄士咩呢啲輕身又保暖嘅質地，咁就可以避免成個造型都好似好笨重咁。...

你以為你識睇西裝外套係啱唔啱身？有無諗過可能你嗰套標準都唔一定啱呢！ 其實西裝外套都有黃金定律㗎，只要你垂低手，再扣鈕，就知道呢件西裝外套啱唔啱你。 垂低手 望下件褸嘅膊位去到邊。好似裇衫咁，西裝褸嘅膊位都要啱啱好去到你嘅膊頭。 特別要注意究竟外套嘅袖同膊位有無出現皺摺，望落去係貼唔貼服。如果係唔貼服嘅，即係呢件外套嘅尺寸都係唔啱你。 而外套嘅袖就應該要覆蓋到你嘅手腕骨，而夾位要開得啱啱好，唔應該會感覺到佢箍住你嘅腋下。當你正常郁動嘅時候，你應該係感到尚算自在舒服。...

你買 裇衫 嘅時候，點樣決定一件 裇衫 係好定係壞？ 有人靠估，有人靠售貨員講，有人諗住扣到鈕就得。其實睇一件 裇衫 係啱唔啱身，唔洗金睛火眼，唔洗一一眼關七。 只要你遞起手郁下身，留意下件裇衫，3秒就搞掂啦。 長度 當你著起一件啱身嘅 裇衫 ，無論你舉起手，點樣郁身郁勢，件 裇衫 都唔會拋出嚟或者鬆開。特別係當你撓埋對手放喺頭後面，諗住嘆世界嘅時候，件 裇衫 都應該攝得好好哋。 如果唔係，就代表你件 裇衫 可能太短喇，又或者係夾位開得太低！ 膊位 裇衫 嘅膊位，應該啱啱好係你嘅膊頭位置，唔應該太入膊又或者太跌膊。...