一套西裝除左件褸以外最重要當然係西褲啦!一條靚西褲除左舒服之外仲收藏住令你雙腿顯得修長,整體感覺更加高佻嘅Magic!究竟造西褲嘅時侯要注意啲咩先可以同裁縫表達到你想要嘅西褲類型?不妨睇下以下呢篇介紹,咁下次搵師傅就更加容易溝通,令師傅更掌握你嘅要求啦!

本篇主要集中介紹褲腰款色同Details,褲腰方面通常分無褶,單褶同雙褶三種。

 

雙褶西褲係最傳統亦都係比較鬆身嘅一種,呢個主要係配合當時騎馬人士需要,呢種做法令大腿位置比較鬆身,容易上落馬匹。由於時代變更,雙褶而家已經好少再出現,但仍然適合下身比較肥胖嘅男士。

單褶西褲兼顧左傳統,觀感同功能三方面,單褶設計令大腿位置仍然保留一定空間,同時亦比雙褶西褲顯得更加修長,髀位亦比較直身。

無褶西褲係現時最流行,最令雙腿顯得修長嘅設計,輩浪較短,款色上追求Slim,特別適合於韓式剪裁同埋吊腳褲腳,視覺上無多餘累贅布料,感觀上更加精神,年輕。

Tailor-M一站式網上訂造西裝資訊,預約平台,為你搜羅400位本地頂級名師,一CLICK即可預約造衫!