買完一套新西裝,最忌就係「觀音頭,掃帚腳」。唔少裁縫都有賣皮鞋,方便大家造完西裝就可以配埋對鞋。

皮鞋其實分好多種,究竟有咩分別?返工應該著邊種先啱?

牛津鞋 Oxford Shoes

牛津鞋最明顯嘅特徵就係「封閉式襟片」(Enclosed Lacing),鞋翼側邊向前延伸就係鞋面。所以當綁緊鞋帶嘅時候,鞋翼就會緊閉。

牛津鞋呢個名嘅由來係源於1940初期,牛津學生引進成為學生制服嘅一部分。去到而家,牛津鞋受到大家嘅歡迎,好多正式/半正式場合都會見到佢嘅蹤影。

牛津鞋2.0 - Seamless Oxfords

呢種係更高層次嘅牛津鞋。同普通版有咩唔同?

就係皮面上無任何接縫嘅痕跡,對製鞋師傅同皮革都有好高嘅要求。皮料都一定要係完整一塊,仲要係厚度平均、毫無瑕疵先可以造成呢對鞋。師傅亦要反覆為皮鞋敲槌定型,先可以令鞋型更加完美。

孟克鞋 Monk Strap

 

呢種鞋嘅特點就係有金屬釦環同皮帶作為橫向嘅繫合。若有兩個扣環就係 Double Monk Strap。

喺鞋帶設計款式出現之前,呢種扣環設計非常流行。

時至今日,比起鞋帶款式,扣環設計比較非正式,不過就係男裝皮鞋之中有好長遠嘅歷史。

樂福鞋 Loafers

樂福鞋通常指淺口無鞋帶嘅鞋,比較容易穿脫。佢最大嘅特色就係從鞋鞍兩側橫跨鞋面上方嘅皮帶,或加入簡單嘅金屬釦環。

呢種鞋休閒及正式場合同樣適合,所以係是男士鞋櫃入面嘅必備款式。

德比鞋 Derby Shoes

德比鞋驟眼望落去同牛津鞋好似樣,最大嘅分別就係德比鞋嘅鞋舌同鞋面係同一塊皮。

鞋翼係喺鞋面之上,而且係採用開放式襟片(Open lacing)。

德比鞋比牛津鞋休閒少少,可以用於較為輕鬆少少嘅社交場合。

 

邊度可以又造西裝又買皮鞋呢?

喺Tailor-M嘅平台上面,有唔少裁縫都有皮鞋出售,包括Bettie BespokeRegent Place UniqueFascino Bespoke,同埋Mars & Venus等等。

如果想了解更多詳情,例如皮鞋嘅款式、價錢等,都可以喺我哋嘅平台上同佢哋聯絡!