鞋櫃, 係大家對腳嘅衣帽間, 打開鞋櫃,你嘅鞋櫃放左十對? 廿對? 可能唔止。由Air Jordan到Yeezy, 由Oxford到Loafer, 認真應有盡有。但如果始終無對訂造鞋, 咁就有啲若有所失啦! 努力左咁多年, 唔知道你雙腳又幫你行左幾多路, 翻左幾座山, 衝左幾次刺? 當你衝得興起又有無真正想好好慰勞一次呢雙為你衝烽陷陣嘅鐵腿呢?

慢活,從購買習慣開始

小編寫本文嘅同時, 因為晚上剛好要出席晚宴, 於是抽左一個小時去買左一對fast fashion store出品嘅皮鞋, 響呢一個小時裡面, 走馬看花式跑完整個shopping mall內嘅皮鞋店, 最後用了約十五分鐘決定買下一對Oxford。問個sales好唔好睇,不如真係自己埋鏡拼拼好過! 原本想買一對Wing Tip Oxford, 因為sales話只餘下display, 最後只能買另一對Cap Toe Oxford。相信以上嘅經驗大家都試過唔少, 為左擺脫呢種quick purchasing模式, 小編找來一家隱世小店 —- 鞋藝工館

鞋藝工館 —- 細緻的傳統工藝與3D人體工學的結合

 

Kit and Jeff出身於唔同範疇嘅product design, 二人承襲左40年造鞋老號—-明記皮鞋嘅老香港工藝後,共同創立左座落於中環SOHO區嘅鞋藝工館, SHOE ARTISTRY。傳統嘅工藝並沒有阻礙佢地嘅眼界, 響符笈英日兩地之後,佢地更加將3D掃描技術同埋人體工學元素揉合到造鞋工藝, 而鞋藝工館 , 就成為佢地實踐理念嘅夢工場。

極緻的慢活消費體驗

當你選擇左訂造皮鞋, 亦即係你已經放棄左一貫嘅消費模式, 全身投入一次慢活消費體驗!, 由你推開店門的一刻, 一切仿如時光倒流至5,60年代, 傾刻嘅時空, 只專屬於你和造鞋匠Kit and Jeff。文首那種消費經驗著實不可能在鞋藝工館遇上, 因為你們彼此正在共同打造一雙無論款式, 用料, 尺寸以至details都係貴客專屬,舉世無雙嘅個人signature shoes!

你 —- 生產過程中不可或缺一環

話到明共同打造, 你嘅參與自然不可或缺! 事實上你將會貫穿整個造鞋過程嘅前期部分, Kit and Jeff會耐心傾聽,同埋討論你想造鞋嘅原因, 你喜好嘅款式, 用料,顏色配搭等, 務求做出最合你心意嘅一雙鞋。Kit and Jeff會首先同你以3D技術度腳, 以數據掌握你嘅足形,大小, 特徵,  再邀請你於應用在波鞋設計的動態掃描儀器上行走, 以足部壓力分布產生一張感熱圖, 呢兩組數據, 配合二人嘅巧手同埋3D打印技術將會幫你打造出最稱身嘅鞋籠, 以及針對你腳部問題而造, 獨一無二嘅鞋墊。

接下來, Kit and Jeff將會埋首Worshop兩到三個星期, 一針一線, 一板一眼地將零碎嘅皮革, 鞋底物料等縫製成鞋, 直至屬於你的一雙訂造皮鞋面世! 滿滿盛載著個人風格, 造鞋匠嘅鬼斧神功, 呢一切, 都能夠從鞋藝工館出品中找到, 希望你地都能夠慢活一次, 擁有一雙舉世無雙嘅signature shoes!