source: ties.com
嚟到十二月份，天氣真係凍左唔少，大家都感受到冬天嘅氣息! 不過隨著冬天溫度下降，大家都會著多幾件衫保暖。但係大家又覺唔覺得著得多衫就好似有點簇擁，甚至有啲束縛感! 諗諗下，又保暖內衣，又馬甲，又冷衫等，冬天著衫真係幾多，加埋件西裝咪真係著到成隻粽咁?
冬天穿西裝易有束縛感覺
唔知大家有無感覺，冬季來到嘅時候，就算只係著件super warm，外面再穿一件shirt都仍然覺得好似有點束縛，特別係腋下。原因係裁縫幫客人度身得出嘅數字，普遍比較適合造夏天衫。點解? 因為夏天大家著衫少，貼身嘅量度史字自然就更「岩身」。但係來到冬天，super warm，冷衫，大褸等通通穿晒上身，簇擁感就會大增，令西裝客著得又束縛，又擁腫。
資深裁縫: 度身後幫客人「諗多步」 輕鬆避開簇擁感
英倫洋服嘅Jacky Tam就話其實西裝友冬天要著西裝唔好著得咁束縛，原來響度身造衫嘅時候已經要考慮周詳! 因為大家冬天都習慣著多幾件衫，如果幫你造西裝嘅裁縫經驗充足，就會在度身後幫客人「諗多步」。造冬天衫時，我會特別在度身後多預留少少尺寸，讓客人有空間在寒冬天氣下添加底衫及外套等，而預留幾多盯非常靠經驗判斷，太少會失去效果，太多就會令衣服看來「闊袍大袖」。
造不同衣物，預留的空間都不盡相同
Jacky Tam還提到，就算幫同一人造衫，造不同衣物，預留的空間都不盡相同。「造恤衫需要預留一件super warm的空間，而西裝外套則要考慮一件冷衫或一件羽絨背心/薄褸的空間」。裁縫工藝永遠沒有公式，亦不可能「一本通書睇到老」，最主要係裁縫要懂得「執生」，時時為顧客「諗多步」，將心比己，一件冬天過於束縛嘅西裝，自己也不會想穿。
40年經驗裁縫 紮根尖沙咀 西裝出品屢獲好評
Jacky再同大家分享一名肥胖顧客既經歷。
當時這名顧客試穿西裝後，發覺西裝的衣袖有點窄。改過數次後，客人仍然感到不滿意。為了令客人滿意，Jacky再次幫客人改袖。直到另一日，客人終於試穿時展露歡顏，滿意這套西裝。
Jacky坦言當時的經驗不足，後來他才發現為這名客人的預留的衣袖空間不足。他補充，「當時客人的肩膀及上臂較粗，而我當時並未發現問題。因此客人將西裝穿上身，便會覺得西裝的袖管束縛。」
所以裁縫師都有技術高低，經驗多少之分。所以要揀個信得過既裁縫好重要!
