一個人響公司嘅身份,其實反映左響套西裝度?

要著西裝返工嘅各位,係咪每日出門前都會對住塊全身鏡,幫自己執到正先出門口?但係大家又知唔知,平時揀套西裝蓍上身,某程度都反映左你響一間公司嘅位置? 著錯西裝甚至可能冒犯上司? 今日就由曾經為Viu Tv皇牌劇集《社內相親》作服裝設計嘅852 Tailor House 就響Tailor-M同大家討論一下上班西裝呢個話題!

1. 孖襟西裝

一件孖襟西裝,看似平平無奇,其實原來office裡面唔係個個都穿得! 原因好簡單,孖襟西裝俾人一種權力感,通常係高層,甚至老闆先會著。如果係新人,一心想穿得好睇啲,特別啲,隨時惹來冒犯上司之嫌。好似社內相親嘅教主,佢之所以穿孖襟,因為佢響劇內係一個Boss。

《社內相親》劇照(服裝由852 Tailor House提供)

2. 三件頭

同孖襟一樣,有一種無形嘅權力感。而且造功愈精細,權力感愈重! 所以,如果真係要著三件頭,最好著灰或深藍呢類office通行嘅西裝顏色,會無咁容易以下犯上。

《社內相親》劇照(服裝由852 Tailor House提供)

3.條子西裝

條子西裝比起孖襟西裝少一份霸氣,多一份優雅,專業,而且更加平易近人,有一份予人信心嘅感覺。如果你係公司嘅決策層,或者係專業人士,條子西裝就好適合你。

《社內相親》劇照(服裝由852 Tailor House提供)

4. 純色西裝

介紹過上面兩種西裝,睇落都係老細/高層dress code,唔好以純色西裝就一定係職場新人向! 一套純色西裝予人大方得體,肆正觀感,可以話係面面俱圓嘅上班西裝! 如果你係新人,一套純色西裝當然顯出你做事穩重而低調,無咁易樹敵 ; 即使你係高層,或者要見客,都一定唔會得失他人! 所以上班族嘅衣櫃一定要有套純色西裝看門口!

《社內相親》劇照(服裝由852 Tailor House提供)

想搵個星級西裝專業造型師為你打造一身上班西裝? 即刻同852 Tailor House聯絡啦!