你以為你識睇西裝外套係啱唔啱身？有無諗過可能你嗰套標準都唔一定啱呢！
其實西裝外套都有黃金定律㗎，只要你垂低手，再扣鈕，就知道呢件西裝外套啱唔啱你。
垂低手
望下件褸嘅膊位去到邊。好似裇衫咁，西裝褸嘅膊位都要啱啱好去到你嘅膊頭。
特別要注意究竟外套嘅袖同膊位有無出現皺摺，望落去係貼唔貼服。如果係唔貼服嘅，即係呢件外套嘅尺寸都係唔啱你。
而外套嘅袖就應該要覆蓋到你嘅手腕骨，而夾位要開得啱啱好，唔應該會感覺到佢箍住你嘅腋下。當你正常郁動嘅時候，你應該係感到尚算自在舒服。
除此之外，著咗外套之後，你仍然會見到入面裇衫嘅領口，大約有2cm左右。
整件西裝外套嘅長度應該要剛好覆蓋到臀部。
扣鈕
你扣好鈕之後，外套由底數上去嘅第二粒鈕應該啱啱好去到你嘅肚臍。
整件外套嘅表面應該係貼服。除此之外，你唔應該會覺得件外套箍住你個心口。如果發現件外套呈現X型嘅皺紋，咁就代表件外套太緊喇。
如果要搵到一套最啱自己身型嘅西裝，最緊要係搵個信得過嘅裁縫幫你度身訂造一套！
裁藝軒已開業差不多 40 年，多年來一直致力為香港及海外顧客提供優質的度身訂做服裝。我們不斷追求優雅時尚的款式及上乘剪裁技術，為各行各業的翹楚提供專業的度身訂造服務。
