有個兄弟最近約咗個女仔去街,雖然唔係初次見面,但就係第一次兩個人單獨出街。佢呢個禮拜個心已經開始囉囉攣,又話唔知去邊度食飯好,又話驚失禮。

??:「因為揀咗間高級餐廳食飯,想著得斯文啲,但又無理由著返工套西裝架嘛?陣間阿Mary以為我個人同我著衫一樣咁悶咪死!」

??:「咁你屋企除左Casual Wear,就得返返工套老西?」

??:「都唔係嘅,仲有唔啱著嘅西裝同睡衣囉…」

??:「仲有一兩個星期,都仲有得救嘅…」


有陣約咗人去街,想著得斯斯文文唔好太Casual,但又無理由著返平時返工嗰套西裝,咁仲有咩揀?

特別係約咗個女仔第一次出街,想留個好印象比人。之前有個調查發現,超過八成嘅女性喺第一次約會嘅時候,會特別留意對方嘅衣著。佢哋會希望對方著得輕鬆休閒,但都要斯文。

咁呢個時候,Smart Casual就最幫到手。又或者係著一件西裝外套,下身襯返普通嘅Chinos,再著對波鞋,其實都一樣殺食。

衣櫃入面無?唔識自己襯?


女性設計師裁縫出馬 一手包辦約會穿搭

成日都話女人心,海底針。仲有邊個可以比女人更加了解女人呢?所以今次就為大家精選出我哋平台上嘅女設計師兼裁縫,幫你搞掂晒約會穿搭。風格、位置、價錢各有不同,實有一個幫到你!

你可能會諗,買套現成衫就得喇。

其實最理想就係,趁仲有時間度身訂造返一套啦。試諗下,娘娘身邊咁多人,步兵又有,特種兵又有。如果唯獨係你,著套衫與別不同,啱身又好睇,仲唔即刻加分?做定一套就唔洗臨急抱佛腳啦。

Regent Place Unique-Rainbow

講到女設計師,點少得Regent Place Unique嘅Rainbow呢!佢嘅洋服店喺銅鑼灣,順便去行下街好方便!

Rainbow畢業於英國倫敦中央聖馬丁藝術與設計學院,係倫敦最好嘅藝術學校。Rainbow仲曾經為不少藝人設計服裝,經驗豐富。

佢哋嘅西裝雖然望落去比較正式,但係一啲都唔老土。

 

 


Fascino Bespoke -Yen

仲有尖沙咀Fascino Bespoke嘅Yen。佢哋度身訂造嘅西裝款式比較年輕,同樣有多款玩味十足嘅裡布,必定可以配合你唔同嘅Style!

 

約會當然唔可以著太正式嘅西裝啦,Fascino Bespoke嘅西裝正式又有,Smart Casual都有,就算襯牛仔褲都一樣好好睇。

如果想行假日風格呢?又有無得揀?

 


Bettie Bespoke Boutique-Bettie

之前介紹過,Bettie以前喺Alexander McQueen嘅設計師,而家出嚟喺中環自立門戶-Bettie Bespoke Boutique。佢最擅長就係設計Pattern,利用圖案、顏色嘅配搭,為你度身訂造一套西裝。甚至乎佢設計嘅領呔,都可以令你嘅西裝與別不同。

因為同傳統正式嘅西裝有唔同,所以佢嘅搭配方法都唔一樣。當然,你可以選擇好似平時咁,襯返正式嘅挺身裇衫西褲,配返對皮鞋。

如果你嘅約會係一個星期後,度身訂造就未必趕得切。不過,好彩嘅係Bettie呢度都有現成嘅,試完可以幫你改,務求著上去啱身唔失禮!

Bettie可以根據你嘅個人要求,喺裡布、翻領又或者袖口用上佢嘅獨家Pattern,低調得嚟又能夠與眾不同。


去街又得 返工都得!

呢啲西裝最大嘅好處就係多用途!返工定去街同樣都無問題!

如果唔想太formal,咁你就可以配普通棉麻質地嘅裇衫,甚至係T裇、斜紋布褲(Chinos)同埋波鞋,同樣可以展示到你對場合嘅尊重同重視。

當然,你可以選擇得裡布有Pattern嘅西裝,一套西裝去街又得,返工亦得!就算你係放工之後先去街,都完全無問題啦!

如果你仲諗緊嚟緊嘅約會著咩衫好?唔好遲喇,快啲同我哋嘅裁縫預約。幫你造一套個人化嘅戰衣,由我地嘅女裁縫畀專業意見,包保唔會失禮人,甚至有得加分添啦!