唔同嘅人 , 因為先天或後天因素 , 個膊頭都有唔同問題 , 而呢啲問題 , 往往影響左一套西裝嘅外觀。一套衫好唔好睇 , 第一眼一定 focus 落個膊位度 , 一套西裝造得好 , 可以隱藏左一個人嘅身形問題 , 而唔好嘅 , 唔單止係解決唔到你嘅身形問題 , 仲會令你著得衣不稱身 , 藏拙不成仲要獻醜。
sources : artofmanliness.com
今日有幸邀得裁藝軒 裁縫及量身顧問 干師傅同我地探一下肩膀 , 係點影響一套衫 , 而師傅們又可以做啲咩去讓一件衫修補我地唔同嘅膊頭問題。
干師傅從事量身及裁縫師達30年 , 早已見盡各種顧客的奇難症 , 對量身時肩膀位置問題瞭如指掌 , 今日就由其為大家解開肩膀與西裝膊位結構如何為大家藏拙之迷。
大斜肩
「好多男士 有大斜肩嘅問題 , 即係大家講嘅”A”字膊 , 如果以一般造法 , 響剪裁時就會令件衫穿上去時膊位有多餘累贅布料 , 睇落就好似著左爸爸件衫咁。」
做法 : 可以先將膊位剪裁顧客膊型將布料 cut 斜少少 , 多半吋或 3/8 位置 ,再加上一塊 padding , 穿起來會自然一點, 又平衡 , 又稱身。
高低膊
「呢個比A字膊更加普遍 , 因為大家都習慣使用右肩揹單揹袋 , 真係想提提大家唔好用咁多 , 多數嘅高低膊問題都係後天產生嘅。」
做法 : 要小心處理度身 , 左右肩預留布料長度要不同 , 但係裁多左就會好礙眼 , 兩肩嘅 padding 可能要微微調整 , 將斜嘅一邊膊墊平而視覺上唔會睇得出。
前拗肩
「健身人士 , 要做粗重工作人士都有呢個問題 , 佢地好多時兩肩末端都會向前拗。」
做法 : 後幅剪裁要預留布料 , 而膊位亦需要造適當弧度配合 。
大平肩
「多數係遺傳因素 , 或者係身材瘦削嘅人多有此問題 , 身型似一個大階 “T”。」
做法 : 如果剪裁上沒有相應配合 , 後領位置就會因為 “T”膊戚起唔平服 , 幫佢地造衫 , 後幅肩膊要特別技巧去裁剪布料 , 否則客人普通站立套衫都唔會著得好, 更加唔洗講其他動作或日常郁動 。
一句到尾 , 西裝係著出嚟令人好睇 , 唔係要你就番佢嘅衣服 , 度身 , 剪裁嘅時候有做足上面所講 , 件衫自然幫到個人揚長避短啦 !
裁藝軒「”2,0″ “20”優惠」喜迎瑞鼠
踏入 2020年 , 裁藝軒推出「”2,0″ “20”優惠」同大家慶祝 2020 及鼠年來臨 !
只要你身份証號碼上有 “2,0” 兩個數字 , 嚟裁藝軒造衫即可享全單 8 折 ,
如果你身份証號碼上 “20” 兩個數字連續順序出現 , 更可享全單 7 折 !
仲唔快啲拎你張身份証出嚟睇下?
Tailor-M 「留個言 , 賞一千」特選加盟商戶
以上幾家都係 Tailor-M「留個言 , 賞一千」特選加盟商戶, 只要你地買完衫上 Tailor-M 留個言, 仲有兩張 $500 coupon 送俾同你一樣愛穿西裝嘅朋友!
