夏日炎炎 識揀一定揀麻質造既衫

大家平時出街, 夏天只會著件T-Shirt, 而冬天就會著返啲長袖衫, 甚至羊毛冷衫。西裝呢?  唔係又著返冬天著嗰套掛?   其實西裝都有分冬季同夏季之分!

結構上, 之前解釋過,夏天要為件褸減磅同透氣,就要識得「走裡」,即係著半裡布甚至無裡布既西裝!

麻質布料 – 物料本身己有散熱的特性

布料上, 首選就一定係麻質(linen)。 麻質本身既天然物料係會散熱的(同羊毛保暖既特性剛剛相反),所以摸上手已有一種清涼既感覺(就有啲似金屬一樣既特性)。另外好多時紡織上會使布紋比較粗疏,亦因此比較透風。

而喺款色方面,  麻質的質地予人 casual 休閒的感覺,配返大家夏天放暑假既心情就一流。麻質亦有多種顏色, 特別係比較明亮鮮艷的顏色, 相當易襯, 適合不同造型和場合。

易襯 – 套裝或單褸配休閒褲都可以

可選擇一套麻質西裝或只做一件西裝單褸去襯休閒褲, 牛仔褲或短褲。

香港的氣溫偏高,麻質西裝可以應付多個季節需要, 亦都不一定只可夏天著。

基本版:

足夠的基本顏色, 花紋選擇。適合初哥, 買定一套係衣櫃襯衫

裁藝軒訂造一套基本版麻質西裝, HK$4,800/ 套。 如果單做一件褸只需 HK$3,300!  

升級版:

如果Budget比較鬆動, 而希望造一套質素好啲既可以選擇英國名廠Holland & Sherry的Linen布料。

Holland & Sherry這系列都是一些上乘物料,款色上亦有較歐陸風格的設計,最適合喜愛英倫風的朋友。顏色配搭上都比較吸睛, 要做全場焦點一啲都冇難度!

裁藝軒訂造一套Holland & Sherry麻質西裝一萬蚊有找, 只需約HK$9,500。而如果單做一件褸亦只需 HK$6,500。