造西裝其實係一個唔會停嘅過程,你試咗一間之後,你會心思思想試下其他,想睇下有無更好嘅。上次介紹過入門級同中階嘅西裝裁縫,試過之後,你又會想試下升級,睇下貴一層嘅西裝係點樣。

但無論你嘅預算係點,你都唔想中伏架嘛!咁到底有咩 高階 價錢嘅裁縫,西裝真係至少有返 高階 質素呢?

全香港最受洋服業界既尊重, 公認為高質素既可以話係WW Chan & Sons同埋A-Man Hing Cheong。收費同價錢都當然係最高, 平均都要HK$20,000一套西裝。而訂造恤衫就可以話係Ascot Chang既天下。

對搵得高階裁縫既人嚟講,呢啲可以話阿媽係女人既嘢,咁就無謂多講。

今日想同大家介紹一下另一批有特色既高階 裁縫 (~HK$8,000以上)比大家選擇。睇吓能唔能夠以「用遮楂既價錢造出燒餓味度既西裝」!


Dream Bespoke

Dream Bespoke 創辦人 Ricky Kwan 出身於裁縫世家,爸爸係另一高階洋服店大班廊既創辦人。除咗繼承爸爸既專業知識同能力,喺行內浸淫十幾年後都已走出一條自己風格既裁縫技術。年紀上而家最當打,柔合潮流既要求同傳統工藝之間既平衡,火喉啱啱好。佢地主打既西裝都係專業人士為主,沉實得嚟唔會老土。

今時今日大班廊一套西裝平均都要HK$20,000,喺Dream Bespoke,同樣既質素,同樣既製作班底可能只需一半價錢左右。
 
 
 

Brummell Tailor

Brummell Tailor位於雲咸街,中環娛樂行旁邊行上少少就到。駐店既張永祐師傅,係創辦人之一。張師傅喺行內德高望重,過去50年喺中環唔少歷史尤久既洋服店入面作為駐店首席裁縫師。服侍既名人無數,重包括已故美國前總統候選人約翰·麥凱恩(John McCain)。 

Brummell Tailor主打高檔路線既度身訂造西裝。店內採用既布料都會主要係歐洲名廠出品既高質布料,如英國既Holland & Sherry,英國/比利時既Scabal,意大利既Zegna等等。再配上首席裁縫師張師傅同佢團隊既手工 (全部都係全朴西裝 Full Canvas),打造出專為行政人員而度身訂造既高端西裝。唔浮誇,亦都唔老土。

Tailor-M用戶獨家優惠 –  送你Thomas Mason恤衫一件!

Tailor-M既用戶而家重享有一個獨家優惠,只要訂造一套Scabal Londoner系列既西裝,Brummell Tailor就會送你一件Thomas Mason恤衫(價值HK$1,200蚊)! 
 

 


英倫有限公司

香港有幾間洋服店既名字都叫英倫, 而今日介紹呢間係位於中環皇后大道中9號The Galleria入面嗰間英倫有限公司, 可以話係最原始,香港第一間做西裝既英倫有限公司,創立於1964年。Richard係店既第二代掌舵人,佢亦都係少數堅持沿用上海剪裁的香港裁縫之一。

「透過上海裁剪而製成的西裝,唔單止比其他西裝耐用,而且唔少細微既地方,例如翻領,亦都會比較搶眼。無錯,雖然上海裁剪既西裝要花上較長的時間去製造,而且步驟繁複,但係我們仍然堅持,因為西裝的品質是最重要的,我們絕對不會做出一套只可穿著六個月的西裝。」

其他洋服店無既西裝 – 鑲咗鑽石既西裝

由於英倫營運初期是從事布料出入口生意,佢地有啲布料係其他人無既。鑲咗鑽石既西裝又有,鑲咗黑珍珠既西裝都有,你地又著過未? 可以睇吓更多既資料

 


The Lancelot

https://www.tailor-m.com/ch/tailor/the-lancelot/promo/thrid-anniversary

最後高階裁縫,當然唔能夠唔介紹專營上門服務既The Lancelot。比得成萬蚊訂造一套西裝,如果可以有人上門度身就好啦,唔使吓吓要走落舖頭度身試身。

The Lancelot是完全隨傳隨到的西裝店,不設門市。只需要與他們約好時間,The Lancelot 以Stephen為首的西裝設計師便會帶同他的工具上門為你度身,為你提供專業的意見。

The Lancelot深明香港都市人的生活節奏急速,繁忙的工作中總有些「碎片時間」。這些空檔不足夠讓他們專程到門市造西裝。因此,他們反其道而行,直接把專業的度身訂造服務送到客人的面前。

The Lancelot
The Lancelot 首席西裝設計師Stephen