拎3000蚊出嚟買皮鞋, 買現成, 定訂造好?

其實已經無嘜野可以解釋到香港人對鞋嘅愛, 大家閒閒地拎二,三千出嚟買對鞋並唔係咩新鮮事! 睇緊呢篇文嘅你, 打開鞋櫃可能都有兩三對, 響香港地洗錢真係好容易, 但係響洗錢嘅同時, 又有無諗過,呢3000蚊嘅spending, 個value究竟去左邊呢?

睇到呢度,相信你會立刻picture到Landmark裡面 luxury branding鞋店貴麗堂皇嘅門面, 厚厚嘅地毯, 琳瑯滿目嘅鞋款同埋sales們親切嘅笑容—-然而,呢一切同你對腳,可以講無嘜直接關係。

同樣拎3000蚊, 造一雙鞋, 同你行入鞋店買一對鞋嘅體驗可謂截然不同, 充滿工業風嘅舖面,甫一推門, 重重嘅皮革味撲扉而來, serve你嘅唔係果位sales, 而係一位匠心獨運嘅造鞋匠, 佢地通常都會同你寒暄幾句, 先瞭解一下你想要啲咩鞋款, 或者你準備造呢對鞋著去邊, 去咩場合, 然後就好快入正題—-度你對腳!

SHOE ARTISTRY掌舵手—-Kit and Jeff, 本土鞋匠工藝傳承與珍品設計藝術結合

Kit and Jeff本身都係出身於唔同範疇嘅product design, Kit主要從事珠寶設計, 而Jeff則主理多種產品design, 而其中一位舵手—-Jeff於早年承襲左40年造鞋老號—-明記皮鞋嘅老香港工藝,而Kit則深黯高端產品工藝設計精髓, 二人負笈英日攝獵worldwide嶄新造鞋理念,揉合二人嘅各擅勝場, 共同創立左座落於中環SOHO區嘅鞋藝工館, SHOE ARTISTRY

憑住二人對造鞋呢份傳統工藝嘅熱誠,加上多年浸淫響設計行業同埋越洋負笈得來嘅知識,Kit and Jeff可以話對每一種鞋履嘅設計, 工序, 皮革用料, 襯色以至穿搭品味都瞭如指掌, 即使係首次登門嘅客人, 佢地都可以將造鞋,穿鞋呢個艱深學問深入淺出,娓娓道來。

亞洲先行,3D腳形掃描技術

為左更加準確地掌握客人嘅腳形同埋管理好每位客人嘅足部數據, SHOE ARTISTRY引進左歐洲造鞋領先科技—-3D腳形掃描技術, SHOE ARTISTRY嘅負責人Kit and Jeff會同你用亞洲先行嘅3D足部掃描準確掌握你嘅腳形同埋足部數據, 透過呢啲數據,佢地會開始同你講有關你對腳嘅所有野, 例如你雙腳嘅大小, 因人而異嘅足部骨骼分布, 整體腳形, 鞋籠闊度, 鞋底結構, …..etc, 總之就係all about your foot!

3D打印技術鞋墊—-鞋籠內的西裝裡布

一塊手工精湛,用料上乘嘅西裝裡布, 有令西裝筆挺, 穿者舒泰嘅功效,而一雙皮鞋鞋墊, 正正就係窩藏左響鞋內嘅裡布! 鞋藝工館將3D足部打印科技伸延至鞋墊製造技術上, 讓數據針對客戶腳部問題造出獨一無二的舒適鞋墊。

小小工館, 竟然能融滙整套3D生產技術, 設計師嘅驚鴻一瞥同埋香港老工藝傳承, 可謂麻雀雖小,五藏俱全! 最重要係當Kit and Jeff,掌握左你嘅足部數據同埋個人喜好, 相信你嘅鞋櫃將會添置一對又一對嘅訂造鞋履! 訂造皮鞋, fair value就響呢度!