俾疫市折騰左兩年,市場上聽過最感人肺腑嘅一句說話 —「我地一齊捱埋條隧道啦!」

「唔好意思,我諗我地個廣告要停一停…」

疫情呢兩年,靠開單食飯嘅最常聽到就係呢句。呀 Mark做左廣告五年,同好多開單食飯嘅朋友一樣,個客蕭條即係佢蕭條。響佢服務嘅行頭,兩年嘅疫情令整個行業萎縮,生產線又要停工,產業上游受壓極大,下游嘅廣告業就梗係唇亡齒寒啦! 產業流水一斷,廣告商一定無運行。平時愈搵得多嘅客,就係最「果斷」/「反應敏捷」嘅客,好快就打俾佢 :「唔好意思,我諗我地個廣告要停一停…」呢啲情況可以話留都留唔住,因為佢地當時係有單接都無貨交,幫佢搵多張單即係令佢做唔到多一張單,咁嘅情況,個客cut廣告嘅心態好硬,根本無商榷餘地,總之roi愈多嘅,反應就愈快。

響呢個時候,另一班我見得唔係最多,過往幫佢地賺到都唔係最多嘅客,卻俾呀 Mark見到市場上溫暖嘅一面。好記得疫情初期無人敢出街,啲客搵人只會facetime。當時個市一片死寂,你既然未話cut,呀 Mark當然繼續做佢嘅馬騮戲啦! 有咩夠「啅」,點樣拉高個PV…等等,每次嘅回覆都係好盡量俾個「願景」佢。結果有一次facetime,佢同我講 : 「呀 Mark,唔洗講啦,你想做嘅野,我明,而家個環境,我都好清楚,放心,你同你公司過去做到啲咩我地睇到,有咩照去啦,我地希望同你公司一齊出隧道。」

呢個係呀 Mark唯一一次開完會喊左出嚟嘅facetime,個客明知呢個時候唔cut budget係「掉錢落海」,但係一句「一齊捱埋條隧道」係我響市場上聽過最暖嘅一句說話。結果,呀 Mark湊住手上一班不離不棄嘅顧客嚟到2021年底,疫情雖然未完,但係響產業流水穩定下來,終於捱到班大客回歸,公司亦對不離不棄嘅客戶,到今日都係keep住疫市價錢,原因係 — 「飲水思源」。

響疫情肆虐嘅時候,仲有一樣野係愈買愈「掉錢落海」,就係套西裝。當大家一直WFH,見客都係靠facetime,咁仲買咁多套西裝做咩呢? 有一日佢收到一位相熟裁縫 David 嘅whatsapp,佢地因為疫情將尖沙咀地鋪搬左上樓上。呀 Mark當下意識到呢個其實係一個 “S.O.S.” ,佢地係希望熟客有人雪中送炭。或者係受到果班「一齊捱埋條隧道」嘅客薰陶,呀 Mark都希望幫佢做西裝嘅裁縫「一齊捱埋條隧道」,於是去年買左幾套可能係佢一世人使用率最低嘅西裝。但係呀 Mark都keep住搵佢造衫,有時買幾件恤衫,有時買下西褲,總之keep住買下野,原因唔係我需要,只係想響個疫情完左果陣仲見到佢響度。

到上個月,佢又再whatsapp 呀 Mark,話俾佢知個裁縫終於又搬返落地鋪啦,仲話好多謝佢響去年一直嘅支持,send左個restore offer俾佢,買一套西裝送多左條西褲,而家買條西褲閒閒地都900蚊架,呀 Mark好明白,David 係想向同佢還個人情,呀 Mark當然繼續支持,又買左兩套啦! David 亦都將呢個優惠於一月公開埋俾所有西裝友,David Fashions回歸地鋪新張期內,響佢度買一套two piece suit(HKD 3800起)多送一條西褲

David Fashions亦有針對中高檔西裝客嘅回饋優惠,佢地嘅VBC two piece suit正價收費HKD 7,250起步,而家同樣有 restore offer ,現只需六折 — HKD 4,350就造到一套。所有新張期 restore offer 到2022年二月底止。

有時就係咁,有人幫左我,我又幫返人,最後大家捱過難關,「一齊出隧道」嘅時候,彼此仍然健在,諗下又有咩好野益下同你並肩作戰過嘅人。市場就好似一個篩,放左一堆礦物落去,慢慢就會淘出最好嘅金子。